Президенттің Қазақстан халқына Жолдауында белгіленген мәслихаттардың рөлі мен міндеттері.

Толығырақ

Жарияланды 04.09.2020 16:43

Автор: Администрация

2020 жылдың 1 қыркүйегінде ел президенті Қасым-Жомарт Тоқаев Қазақстан халқына Жолдауын арнады.

* Азаматтарды мемлекеттік басқаруға қатысуға тартудың маңызды кезеңдерінің бірі жергілікті өзін-өзі басқарудың қаржылық мүмкіндіктерін күшейту болып табылады. Мүліктік құқықтар кеңейтіліп, ауылдық округтер бюджеттерінің кірістері ұлғайтылады. Бұл " халық атсалысатын бюджет " жобасын дамытудың келесі кезеңі болады. Ағымдағы жылдың 1 желтоқсанына дейін Үкіметке осы маңызды мәселені шешу үшін нормативтік база мен тиісті ұсыныстарды әзірлеу тапсырылды.

* Жергілікті ресурстардың оңтайлы жұмсалуын қадағалау үшін өкілетті органдар – мәслихаттар жауапты. Мәслихаттарға қол жинау және өңірді дамыту немесе көпжылдық жергілікті проблемаларды шешу жөнінде петиция жасау функциясы беріледі.

* Мәслихаттардың тексеру комиссияларының рөлі күшейтіледі. Ол үшін қолданыстағы заңнамаға түзетулер енгізіледі.

* Мәслихаттардың отырыстары қоғам үшін ашық болады. Халық онлайн таратылымдарда депутаттардың пікір алмасу және талқылау жұмысын көре алады.

* Жергілікті өзін – өзі басқару органдарының жиындар мен жиналыстардың мәртебесі артады. Жергілікті жерлердегі өзекті мәселелерге қатысты олардың пікірін мәслихаттар нақты шешімдер қабылдаған кезде ескеретін болады.

Біз " Халық үніне құлақ асатын мемлекет " құруды қолға алдық. Осы нақты қадамдар арқылы билік пен қоғам арасында тұрақты диалог орнайды.